Re: LADKIYO KA KHEL

*प्रियकराची हजार लफडी
प्रेयसीचे हजार नखरे
म्हणून म्हणतो ऐका माझे
या वाटेवर न गेलेलेच बरे.

तो म्हणतो मी चुकलोच नाही
ती म्हणते फक्त माझेच खरे.
प्रेमाचे दिवस संपले की
वाहतात संशयाचे वारे..!!
म्हणून म्हणतो ऐका माझे
या वाटेवर न गेलेलेच बरे...

त्याला भेटायाची वेळ
ती मुद्दाम विसरते.
त्याला काही केल्या
तिचा जन्मदिन न स्मरे..!!
म्हणून म्हणतो ऐका माझे
या वाटेवर न गेलेलेच बरे...

लग्न झाले की ओढ सरते,
सुकतात सारे प्रेमाचे झरे.
महिन्याचा खर्च भागवताना
डोळ्यांसमोर दिसतात तारे..!!
म्हणून म्हणतो ऐका माझे
या वाटेवर न गेलेलेच बरे...

ओफिसमध्ये साहेबाची कटकट,
घरात बायको आणि पोरे.
पाहुणे येऊन त्रास देती
तशात ही महागाई मारे..!!
म्हणून म्हणतो ऐका माझे
या वाटेवर न गेलेलेच बरे...

एकटेपणा जरी वाटला बरा,
संध्या छाया भिववती मना.
ते सूरकुतलेले मावळतीचे दिवस
सांगा घालवावे कोणाच्या आधारे?
तरीही म्हणतो ऐका माझे
या वाटेवर न गेलेलेच बरे...
--
शशी गराडे *

--
You received this message because you are subscribed to the Google Groups "मी मराठी....mee marathi." group.
To post to this group, send email to meemarathi@googlegroups.com.
To unsubscribe from this group, send email to meemarathi+unsubscribe@googlegroups.com.
For more options, visit this group at http://groups.google.com/group/meemarathi?hl=mr.