चैताली जोशी
मालिकांमधून लोकप्रिय झालेल्या काही नायिका त्यांची साधी, संस्कारी, सोज्वळ अशी इमेज स्वत:च मोडीत काढत आहेत. त्यांच्या व्यक्तिमत्त्वाची दुसरी बाजू दिसतेय, रिअॅलिटी शोमधून! पण, यामुळे प्रेक्षकांचा पार गोंधळ उडतो. या नायिका प्रत्यक्षात कशा आहेत, त्यांची खरी इमेज कोणती हे समजून घेताना त्यांची गफलत होते.
' साधी, सोज्वळ सून हवी,
अगदी 'प्रेरणा'सारखी!'... 'मुलगी कशी तर 'साधना'सारखी हवी, संस्कारी'... अहो, असे गडबडू नका. हे काही विवाहमंडळाचं कार्यालय नाही. तर हे संवाद एके काळी घराघरात ऐकायला मिळायचे. लोकप्रिय मालिकांच्या नायिकांसारख्याच आपल्या सुना, मुली असाव्यात अशा अनेकांच्या अपेक्षा असायच्या. 'कसौटी जिंदगी की'फेम प्रेरणा म्हणजे श्वेता तिवारी आणि 'बिदाई'फेम साधना म्हणजे सारा खान यांची तर फार क्रेझ होती. त्यांच्या सोज्वळ, साध्या वागण्याने प्रेक्षक त्यांच्याशी एकरुप व्हायचे. पण, या सो कॉल्ड सोज्वळ हिरोइन्सनी रिअॅलिटी शोमध्ये येऊन त्यांची 'रिअॅलिटी' दाखवली. सून, मुलगी, गृहिणी यांच्या आदर्श असणाऱ्या या 'सोज्वळ' नायिकांनी आपल्या इमेजची दुसरी बाजू दाखवून दिली.
या मालिकांमधील नायिकांचं बोलणं, वागणं, त्यांच्यासारखा ड्रेसिंग सेन्स हे सगळं सामान्य प्रेक्षक फॉलो करत असतात. लोकप्रिय झालेल्या मालिकांमधील नायिकांना रिअॅलिटी शोमध्ये सहभागी करुन घेण्याची साखळी यापूवीर्च सुरू झालीय. त्या रिअॅलिटी शोचा आणि मालिकांचा टीआरपी वाढवण्याचं मुख्य कारण या डोकॅलिटीमागे असावं. आदर्श, सोज्वळ नायिकेची भूमिका साकारताना त्या इमेजला धक्का पोहचणार नाही, याची पुरेपूर काळजी या नायिका घेत असतात. पण, रिअॅलिटी शोमध्ये मात्र त्यांच्या इमेजची दुसरी बाजू प्रेक्षकांसमोर येते.
मालिकेत खलनायकाला सहज माफ करणारी हीच नायिका रिअॅलिटी शोमध्ये मात्र ठरवून भांडण करताना दिसते. दिवसभर घरात दागदागिने घालून, भरजरी साड्या नेसून मिरवणाऱ्या या लेकीसुना रिअॅलिटी शोमध्ये शर्यत लागल्याप्रमाणे अंगप्रदर्शन करताना दिसतात. उदाहरण द्यायचं झालं, तर श्वेता तिवारी, सारा खान यांची नावं घ्यावी लागतील. 'बिग बॉस'मधले त्यांचे रंग आजही प्रेक्षकांच्या लक्षात असतील. मालिकांमध्ये डायबीटिस होईपर्यंत गोड बोलणाऱ्या या नायिका अशा शोजमध्ये तोंडाचा पट्टा असा काही चालवतात, की प्रेक्षकांना म्यूटचं बटण दाबावं लागतं. त्यांच्या वागण्यातला हा विरोधाभास या रिअॅलिटी शोच्या मदतीने प्रेक्षकांसमोर येतो. पण, तिथेच प्रेक्षकांच्या गोंधळाला सुरुवात होते. अनेक विनोदी भूमिका साकारणारी तनाज बख्तियारही यापैकी एक. बिग बॉसमध्ये जेव्हा कमाल खानवर ओरडत तिने आपला राग व्यक्त केला तेव्हा सगळ्यांनाच आश्चर्याचा धक्का बसला होता.
काही वेळेला मात्र वेगवेगळ्या भूमिका साकारत एकाच इमेजमध्ये न अडकण्याची कसरत करणारे कलाकारही दिसून येतात. स्मिता बन्सल 'बालिका वधू'मध्ये सुमित्रा या गुडी गुडी सासूची भूमिका साकारते. लवकरच ती 'खतरोंके खिलाडी-४'मध्ये वेगळ्याच रुपात प्रेक्षकांच्या भेटीला येईल. याच मालिकेतील भागवती (आनंदीची आई) म्हणजे भैरवी रायचुरा. 'हम पांच'मधली काजलची टपोरी भूमिका याच भैरवीने साकारली होती, हे सांगूनही खरं वाटत नाही. 'भाग्यलक्ष्मी'फेम नेहा पेंडसेला 'एकापेक्षा एक'मध्ये वेगळया रुपात पाहून स्त्रीप्रेक्षकांना धक्काच बसला. नायिकांच्या या इमेजच्या खेळात दमछाक होतेय ती प्रेक्षकांची. या नायिकांच्या भूमिकांमध्ये ते इतके गुंतलेले असतात, की तिच्या खऱ्या इमेजच्या शोधामागे ते लागतात. एकीकडे साधी, सोज्वळ इमेज तर दुसरीकडे बोल्ड, ग्लॅमरस... नक्की कोणती इमेज खरी हा गोंधळ त्यांच्या मनात कायम चालू राहतो हे तेवढंच खरं!
...........
रिअॅलिटीतही अभिनय
मालिकांमधून साध्या, सोज्वळ भूमिका करणाऱ्या नायिका या रिअॅलिटी शोमध्ये लोकप्रियता वाढवण्यासाठीच जातात. रिअॅलिटी शोमध्ये त्यांच्या साध्या, सोज्वळ इमेजची जागा बोल्ड, ग्लॅमरस इमेज घेते. पण, त्या शोची तशी मागणी असल्यामुळेच त्यांना तसं वागावं लागतं. त्यामुळे या नायिका रिअॅलिटी शोमध्येही अभिनयच करत असतात. याचा परिणाम त्यांच्या लोकप्रिय मालिकांवर होतो हेही तितकंच खरं आहे. प्रेक्षक त्यांच्या भूमिकांशी एकरुप झालेले असल्यामुळे आपल्या आवडत्या नायिकांची खरी इमेज कोणती, याविषयी प्रेक्षकांचा गोंधळ उडतो.
- राकेश सारंग (निर्माता, दिग्दर्शक)
...............
यांची इमेज बदलली...
श्वेता तिवारी : 'कसोटी जिंदगी की' ते 'इस जंगलसे मुझे कोई बचाओ', 'बिग बॉस'
सारा खान : 'बिदाई' ते
' बिग बॉस'
स्मिता बन्सल : 'बालिका वधू'मधून 'खतरों के खिलाडी-४'
भैरवी रायचुरा : 'हम पांच'मधून 'बालिका वधू'
..........
इथे मात्र उलट चित्र....
आत्तापर्यंत 'आयटम गर्ल' अशी ओळख असणाऱ्या याना गुप्ताच्या बाबतीत मात्र हे चित्र पूर्ण उलट आहे. 'खतरोंके खिलाडी' आणि 'झलक दिखला जा' या दोन रिअॅलिटी शोजमधून 'बाबूजी...'फेम यानाची एक वेगळीच इमेज लोकांसमोर आली. तिची सहजता, तिचा साधेपणा प्रेक्षकांनी पाहिला.
__._,_.___
---------------------------------------------------------------------------------------------------------------------------------------Group Policies (Amended March 04, 2007)
1) All mails are subjected to moderation. This may cause some trivial delay in posting your mails. Please bear with us.
2) Please do not post any advertisements (matrimonial ads, mails publicizing other groups etc.) on this group.
3) Please be cautious while sending any attachments or forwards. When you send forwards, we request you to retain only the relevant content of the mail, which you are forwarding. Also edit the subject giving a proper subject to the mail discarding unwanted matter. This will make the mail neat and legible.
4) Appreciation of mails sent by members should be directed to the senders personal email address and not on the group.
5) Not all forwards will be approved. Only forwards with some novelty will be approved. To give an example, forwards containing PowerPoint slides. Some slides contain only sceneries, pictures of cute dogs/ cats, babies, mountains, flowers etc. Such forwards will not be approved.
.
No comments:
Post a Comment
Note: Only a member of this blog may post a comment.